12 nyied 27 hauh, Hocouh Si youq Vwnzva Yisuz Cungsim Gvangjcangz guh caemhdoih baenzgya vuenh fungheiq gaij fungsug cawjdaez dwg “gyaez youq Hocouh vuenyungz hwnjroen”, yienhciengz gyoengq caencik baengzyoux caemhdoih hohfuk 18 doiq gvanbaz moq, guhcingq gyoengqde hainduj swnghhoz moq gyaeundei. Ciengz caemhdoih baenzgya neix, gawq dwg guhcingq gyoengq gvanbaz moq vuenyungz hwnjroen， hix dwg gij saedguh sengdoengh Hocouh doicaenh vuenh fungheiq gaij fungsug、 fatyiengz vwnzmingz fungheiq moq.

(Vangz Yuzhuz/黄旭胡)