12 nyied 26 hauh, Vuzcouh Si Canghvuz Daih’it Cuhgiz Cunghyoz guh gaiq daihngeih ciet gohgi. Lauxsae hagseng caemh guh gohgi cozbinj, yienhciengz cozbinj lai cungj lai yiengh gig geizheih, heiqfaenh hagsib gyauhliuz naekna. Vih coicaenh hagseng cienzmienh hwngfat， Canghvuz Yen dinghgeiz youq hagdangz guh hozdung ciet gohgi, cujciz hagseng doenghfwngz guh sawqniemh, gikfat yinxdaeuz gohyoz hagseng, beizyangj cingsaenz cauhmoq caeuq naengzlig saedguh. (Liz Gezyenz/黎杰源)