12 nyied 25 hauh, bimoq yaek daengz, youq Ginhsiu Yauzcuz Swciyen, boux cienzciep feihyiz caeuq gyoengq canghsiuq cingq gyagaenj guh conzdungj ndangdaenj minzcuz bae gai. Youq dangdieg, vunzlai cungj maij daenj buhvaq minzcuz coux bimoq. Gaenh geij bi daeuj, gij conzdungj ndangdaenj Yauzcuz aenvih yienghsiengq lai cungj lai yiengh miz minzcuz daegsaek, vunzlai dangdieg caeuq hekyouz gig gyaez, gaicawx hoengh hawj vwnzva cienzciep lai miz rengz.(Gauh Yuzginh/高如金)