12 nyied 28 hauh, Yungzsuij Myauzcuz Swciyen Bwzyinz Yangh Mbanjcuzgouj guh hozdung gyauhliuz foux minzcuz coux bimoq, Myauz、Yauz、Dung、Cuengh、Gun daengj 32 aen doihdiuqfoux daj gij yanghcin henzgyawj caeuq Sanhgyangh Dungcuz Swciyen daeuj camgya hozdung. Gak minzcuz beixnuengx ndang daenj buhvaq gyaeundei caemh diuq foux minzcuz, roxnaeuz riengjret lingzvued, roxnaeuz gvaigvet ndeiyawj, gig miz yinxdaeuz minzcuz vwnzva. Yienhciengz lij miz haujlai hozdung doengzseiz guh nauhyied dangqmaz, vunzlai caemhdoih angqcoux bimoq daeuj daengz. Hozdung aeu foux guh giuz, gyagiengz dangdieg gak yanghcin gak cuz ginzcung gyauhliuz, fungfouq gij ndwenngoenz cingsaenz vwnzva gak cuz ginzcung, gyalaeg gij cingzngeih gak cuz ginzcung.

(Lanz Gunh/兰堃)