Moix boux vunz majhung, cungj miz boux yinxloh ndeu. Boux yinxloh gou dwg lauxsae yijvwnz gou.

Lauxsae yijvwnz gou ndang mbouj sang, yienghsiengq itbuen, hoeng doiq gunghcoz daegbied nyinhcaen fucwz.

Miz baez ndeu, lauxsae hawj dou gaijcingq gij cihloek ndaw bonj dingqsij. Gou saenqsim cibcuk dajhai bonj dingqsij, laihnaeuz bonjfaenh ndaej muenxfaen, hoeng fatyienh “制服”cih“制”deng lauxsae aeu bithoengz gien okdaeuj, lij deng youq henz veh aen nganxgingq iq ndeu dem. Gou dawz bonjbouh caeuq bonjsaw doiqciuq——Yawj gij yiengh gou dwg sij doxlumj ha. Gou naemj mbouj doeng: Nanzdauh dwg gou sij mbouj cingq? Yienghneix, gou youh nyinhnyinh caencaen sij baez ndeu, caiq dawz bae hawj lauxsae yawj.

Mbouj siengj daengz lauxsae yawj da ndeu le, yiemzsuk dwk naeuz:“Lij loek, dauqbae ndeindei cazyawj, yawjyawj loek youq gizlawz, saeqsim di.”Gou naj mongmet ma daengz diegnaengh, doiqciuq bonjsaw caiq causij baez ndeu, youh simndaemq dwk baez daihsam byaij bae gyangjdaiz. Lauxsae vix bonjbouh naeuz：“Lij loek ne, vihmaz loek? Aenvih cih ‘制’bit daih roek dwg bit ndeu daengz laj, mwngz faen song bit sij lo——Yienghneix sij couh ‘heiqgoenq’ lo.” O, gou fwt singj gvaqdaeuj. Lauxsae youh naihsim dwk naeuz：“Doeg saw aeu yunghsim, cih saw dij cien gim ha.”Gou dingq le, mboujeiqseiq riu lo. Daj neix hwnj, gou sij cih caiq mbouj gamj rubrab lo.

Lij miz baez ndeu, dwg singhgiz ngux, dou guh danyienz caekniemh. Mwh cuengqhag lauxsae naeuz：“Gou haemhneix gaij gienj sat, ngoenzcog cuengq youq diemq vwnzgi Sahsah henz hagdangz, sou gag bae aeu ma gaijcingq.”Gou dingq le, nyinhnaeuz lauxsae dwg gangjboq, daengx ban hajcib geij faenh gienj, lauxsae baenzlawz haemh ndeu couh gaij sat ne?

Gyanghaemh gou seizbienh diemj hai aen ginz bangaep, caen yawjraen lauxsae fat saenqsik, naeuz gienj gaij sat lo, lij fat aen doz gienj gaij ndei ndeu. Gou doeksaet dangqmaz：“Lauxsae ha, mwngz dwg vunzdiet ha? Mbouj gwn haeux mbouj yietnaiq ha? Baenzlawz yienghhaenx vaiq couh gaij sat ne?” Gou doiq lauxsae gij daidu nyinhcaen fucwz haenx engq simfug lo.

Ngoenz daihngeih, gou bae aeu gienj ma gaijcingq, yawjraen lauxsae baegaij gig saeqsim, lienz gij biudiemj loek cungj gien okdaeuj lo. Yawj gij ngaeungaeu caca hoengznding haenx, gou gamjdaengz haenx faenmingz dwg fuk doz lauxsae aeu simlwed daeuj veh. Cungj naeuz“hojceh buet ndaej vaiq, cienz baengh gyaeuj ci daiq.”Lauxsae yienghhaenx nyinhcaen，dou baenzlawz gamj mbouj nyinhcaen hagsib ne?

Gij saeh nyinhcaen fucwz lauxsae yijvwnz, lumj ndaundeiq gwnzmbwn, geq hix geq mbouj liux. De aeu gij hengzdoengh de guh buengjyiengh ndei hawj dou hag, baenz aen daeng ceiq rongh gwnz roen ciuq dou majhung.

我的老师

上林县实验学校丰岭校区六（3）班 成晋宏

每个人成长的路上，都需要一个引路人。我的引路人，就是我的语文老师。

我的语文老师个子不高，相貌普通，但对工作却格外认真负责。

有一次，老师让我们更正听写本里的错别字。我信心满满地打开本子，以为能得满分，却发现“制服”的“制”字被红笔圈了出来，旁边还画了个小眼镜。我拿着本子和语文书对照——字形明明一模一样啊。我百思不得其解：难道是字写得不够工整？于是认认真真重写了一遍，再次拿到老师面前。

没想到老师只看了一眼，严肃地说：“还错，回去好好观察，看看错在哪里，细心一点。”我灰溜溜地回到座位，对着课本又抄写一遍，忐忑不安地第三次走向讲台。老师指着本子说：“还错呢，为什么错？因为‘制’字的第六笔是一竖穿底，你把它分成两笔写了——这样写字就‘断气’了。”我恍然大悟。老师语重心长地补充道：“读书须用意，一字值千金。”我不好意思地笑了。从那以后，我写字再也不敢马虎。

另一个星期五，我们进行了单元测验。放学时老师说：“今晚我会改完试卷，明天放在学校旁边的沙沙文具店，大家自己去取。”我听了，觉得老师在吹牛，全班五十多份试卷，老师怎么可能一个晚上就改完？

晚上我随手点开班级群，竟真的看到老师发的信息——所有试卷都已批改完毕，还附上了批改细节的照片。我惊讶极了：“老师啊，你是铁人吗？不吃饭不休息的吗？怎么那么快就改完了呢？”我又一次被老师认真负责的工作态度深深折服了。

第二天取回试卷，我发现连用错的标点都被仔细圈出。满页的红勾与批注，仿佛老师用心血绘成的图谱。都说“火车跑得快，全靠车头带”，有这样认真的老师，我们怎敢怠慢学习？

语文老师的认真负责，像天上的星星，数也数不完。她用自己的行动为我们树立了光辉的榜样，成了我成长路上最明亮的指引。

（lauxsae son raiz: Vangz Gveiyangh 指导老师：黄桂香)