Cwngzyij Sawgun “金蝉脱壳” ndaej hoiz baenz “duzbid duetbyuk”, dwg beij naeuz yungh geiqmaeuz deuzduet sawj doiqfueng mbouj ndaej gibseiz fatyienh. Duzbid vihmaz yaek duetbyuk ne?

Ndang duzbid gig unq, byuk(couh dwg ndok) de cix ndongj, ndaw byuk cungj dwg noh, de dwg baengh gaiq byuk de henhoh ndangnoh mbouj deng sienghaih. Hoeng gaiq byuk de mbouj rox riengz ndangnoh de maj hung cix maj hung, ndangnoh ngoenz bae ngoenz youq ndaw byuk maj hung le caenx lai lo, ndigah gvaq sauh ndeu duzbid couh yaek duet gij byuk gaeuq de cij ndaej caiq maj hung.

Duzbid duetbyuk le, gij byuk duet okdaeuj haenx lij baenz guh yw ne.

(bouxbien hoiz)