Gou byaij haeuj ndaw cazrum rim rongh ndwen haenx

Hu hu——

Gij rang go’nywj riengz rumz con haeuj ndaeng gou

Gou daeuj daengz henz rij iq

Depgyawj gij va iq naengh youq henz rij

Ndaundeiq youq ndaw rij dajcaemx

Swiq hawj swhgeij ndongqrikrik

Gou ndenq fwngz roengz rij bae

Luj lit——

Ndaundeiq daj henz fwngz gou gyad bae

Gou raen swhgeij hix bienqbaenz ndaundeiq

You gwnzmbwn buengq bae buengq dauq

Caeuq gij ngaeuz ndaw raemx guhcaemz

Gangj gij vah cij miz ndaundeiq ndaejnyi haenx