6 nyied 30 hauh daengz 7 nyied 3 hauh, yienghsaeh saedguh doxgyau couqmaenh gij eiqsik Cunghvaz Minzcuz ranz vunz ndeu boux guh vwnzva caeuq lijyouz(geiz daih’it) youq Gveilinz Si guh, yienghsaeh dwg Swcigih Minzcunghveij、Swcigih Vwnzva Caeuq Lijyouz Dingh cawjbanh. Swcigih Minz- cunghveij、Swcigih Vwnzva Caeuq Lijyouz Dingh mizgven yezvu cusiz, gihciz boz- vuzgvanj, 7 aen si laeb gih minzcunghveij（giz） 、 vwnzva caeuq lijyouz hingzcwng gvanjlij bumwnz caeuq si gaep、mbangj yienh gaep bozvuzgvanj fucwz dungzci, mizgven gingjgih bouxfucwz caeuq bouxdaujyouz daengj 70 lai boux daeuj caeuqfaenh baez yienghsaeh neix.

Yienghsaeh cujyau dwg hwnjdangz caeuq daengzdieg yawj hag dox giethab. Mwh hwnjdangz lauxhangz hopheux “diuzroen saedguh vwnzboz cangzgvanj couqmaenh gij eiqsik Cunghvaz Minzcuz ranz vunz ndeu”“gingjgih coenz daujyouz caeuq couqmaenh gij eiqsik Cunghvaz Minzcuz ranz vunz ndeu”“aeu lijyouz guh moiz coihaeuj gak minzcuz doxbyaij doxgyau doxyungz” doenghgij ciendaez neix bae son, daj “vihmaz hag、hag maz、guhlawz guh” sam loh, gangj vwnzboz cangzgvanj、lijyouz gingjgih caeuq bouxgangjgej、bouxdaujyouz guhlawz aeu couqmaenh gij eiqsik Cunghvaz Minzcuz ranz vunz ndeu yungzhaeuj hong aenbaez bae. Gyoengq boux caeuqfaenh yienghsaeh lij bae Gveilinz Bozvuzgvanj、Bozvuzgvanj Dieggaeuq Gamjcwngbiz、Lingzgiz Bozvuzyen doenghgij dieg neix yawj hag. Doenggvaq yawj hag, hawj caezgya lai roxyiuj Cunghvaz vwnzmingz、Cunghvaz vwnzva、Cunghvaz Minzcuz doxbyaij doxgyau doxyungz lizsij, hix gyaak gagrox coglaeng giethab hong ndanggaeuq bae lwnh son couqmaenh gij eiqsik Cunghvaz Minzcuz ranz vunz ndeu.

Ciuq cam rox, baez yienghsaeh neix dwg Swcigih Minzcunghveij daiqdaeuz guh yienghsaeh saedguh doxgyau couqmaenh gij eiqsik Cunghvaz Minzcuz ranz vunz ndeu gak cuz vunzlai ndawde loh ndeu, faen song geiz guh, geiz daihngeih yaek youq 7 nyied 15 hauh daengz 18 hauh youq Gveilinz guh.

（Ouh Caijfangh Maj Veiyungz）