Sinhvazse Baekging 7 nyied 6 hauh dienh 《Siz Ginbingz Swnghdai Vwnzmingz Vwnzsenj》 gienj daih’it Cunghgung Cunghyangh Dangjsij Caeuq Vwnzyen Yenzgiuyen bien haenx, mboengqneix youz Cunghyangh Vwnzyen Cuzbanjse okbanj, youq daengx guek fathengz.

Cibbet Daih Dangj doxdaeuj, Dangjcunghyangh aeu Siz Ginbingz dungzci guh goek de daj gizsang Cunghvaz Minzcuz ciengxlwenx hwngfat haidin, lai rox gij diegvih youqgaenj caeuq canloz yiyi hwnqguh swnghdai vwnzmingz youq ndaw aen saehnieb sevei cujyi miz gij daegsaek Cungguek seizdaih moq, haenqrengz doinyoengx swnghdai vwnzmingz lijlun cauhmoq、saedguh cauhmoq、cidu cauhmoq, daezok baenzroix leixniemh moq swhsiengj moq canloz moq, yinxlingx guek raeuz hwnqguh swnghdai vwnzmingz daj lijlun daengz saedguh cungj miz bienqvaq hungloet, hwnqguh aen Cungguek gyaeundei hamjok yamqdin hungloet, guhbaenz gij swhsiengj swnghdai vwnzmingz Siz Ginbingz. Gij swhsiengj swnghdai vwnzmingz Siz Ginbingz dwg dingz gapbaenz youqgaenj Aen Swhsiengj Sevei Cujyi Miz Gij Daegsaek Cungguek Seizdaih Moq Siz Ginbingz, dwg yiengh ndaejndei aen yienzleix giekdaej Majgwzswh cujyi caeuq Cungguek saedsaeh dox giethab、 caeuq Cunghvaz vwnzva ciuhgeq maenhndei dox giethab, dangj raeuz roxyiuj gij gvilwd hwnqguh swnghdai vwnzmingz ndaej hwnjmbaek moq, coengh hwnqguh aen Cungguek gyaeundei cienzmienh doihaeuj gij yendaiva vunz caeuq swhyienz huzndei caemhyouq gunghawj gaenbonj ciuqei.

《Siz Ginbingz Swnghdai Vwnzmingz Vwnzsenj》 gienj daih’it, sou gij faenzcieng ceiq youqgaenj、ceiq giekdaej gvendaengz hwnqguh swnghdai vwnzmingz Siz Ginbingz dungzci duenhseiz 2012 nienz 12 nyied daengz 2025 nienz 4 nyied, ciuq seiz gonqlaeng bienbaiz, gungh miz baugau、gangjvah、yienjgangj、cijsi、bae daengj 79 bien, mbangj faenzcieng dwg baez nduj goenghai fatbiuj.

《Siz Ginbingz Swnghdai Vwnzmingz Vwnzsenj》 gienj daih’it okbanj fathengz, coengh daengx dangj daengx guek gak cuz bouxminz haeujlaeg hagsib doekguh Aen Swhsiengj Sevei Cujyi Miz Gij Daegsaek Cungguek Seizdaih Moq Siz Ginbingz daegbied dwg gij swhsiengj swnghdai vwnzmingz Siz Ginbingz gunghawj cek sawsonhag gienzvi, doiq gyoengq ganbu ginzcung laegdaeuq rox daengz “song aen laebdingh” ndaej gietdingh guh baenz hongsaeh, gyaak “seiq aen roxyiuj”、dawzdingh “seiq aen gagsaenq”、 guhdaengz “song aen henhoh”, engqgya gaenjndaet humx youq henz Dangj- cunghyangh aeu Siz Ginbingz dungzci guh goek de, cienzmienh doekguh gij cingsaenz Ngeihcib Daih caeuq Ngeihcib Gaiq Ngeihcung、Samcung Cienzhoih Dangj, laebmaenh caeuq hengzguh aen leixniemh raemx saw bya heu couhdwg byagim bya’ngaenz, laemxsim mbouj bienq byaij diuzroen hwngfat vwnzmingz swnghcanj hwng- fat、ndwenngoenz fouqmiz、swnghdai ndeiraeuh, aeu yiengh swnghdai vanzging ceiq ndei bae cengjdingx hwngfat ndei saed, gyavaiq doihaeuj gij yendaiva vunz caeuq swhyienz huzndei caemhyouq, cienzmienh doihaeuj hwnqguh aen Cungguek gyaeundei, coengh Cunghvaz Minzcuz ciengxlwenx hwngfat haibik baenaj gvangqlangh, miz yiyi youqgaenj.