Dujva ndaej hai ndongq,

Daengngoenz rongh cij sien,

Raeuz vuenyungz cien nienz,

Dangj gaem gienz cij maenh.

Gofaex ndaej majhung,

Baengh namh’um daeuj ganq,

Raeuz miz Gungcanjdangj,

Cij angq gvaq ndwenngoenz.

Aen seiq neix baenz ndei,

Baengh meiz(miz) Gungcanjdangj,

Deihfueng daengz cunghyangh,

Ciengxlwenx gaen Dangj byaij.

Mbouj yungh yawj bae gyae,

Yawj Guengjsae couh rox,

Daengx gih duet gungzhoj,

Haw mbanj moq liuxcaez.

Daxmeh seng ndang raeuz,

Naedhaeux ciengx vunz maj,

Raeuz miz ngoenzndei gvaq,

Vah Dangj mbouj ndaej lumz.

Daxmeh seng ndang raeuz,

Naedhaeux ciengx vunz maengh,

Lwgminz miz Dangj baengh,

Cungguek caengj(cij) onjan.

Caetit Dangj ngoenzseng,

Lwg’eng（lwgnyez） hix aeu rox,

Gwn geijlai sinhoj,

Cij goq raeuz baenz vunz.

Caetit Dangj ngoenzseng,

Lwg’eng（lwgnyez） hix aeu geiq,

Laeb Dangj bak lingz seiq,

Saehndei gangj mbouj caez.