It gouj ngeih it nienz,

Cienz gvaq raq rumz raeuj,

Gungcanjdangj okdaeuj,

Yinx raeuz byaij roen moq.

Dangj daiq raeuz gwzming,

Yinzminz ndaej gaijfang,

Bouxhoj ndaej fanndang,

Danggya guh cawjranz.

Ngoenzneix sim lai angq,

Hoh ngoenzseng Dangj ndei,

Ndaej bak lingz seiq bei(bi),

Bouxboux geiq simdaeuz.

Gwnz ndoi ndoengfaex heu,

Diuzdah raemx cij cingh,

Dangj raeuz byaij ndaej cingq,

Beksingq cij bingzan.

Dangj lumj boh lumj meh,

Raeuz deq de daiqdaeuz,

Miz Dangj henhoh raeuz,

Mbouj you deng vunz haep.

Faex dog nanz baenz ndoeng,

Goeng dog nanz baenz saeh,

Raeuz doxgiet daengz daej,

Guek cij ndaej fouqgiengz.

Gaijgwz caiq haeujlaeg,

Dwg daegsaek guek raeuz,

Miz Dangj daeuj daiqdaeuz,

Raeuz caezsim bae guh.

Minz fouq guek cij giengz,

Biengz onj guek mbouj nanh,

Miz Gungcanjdangj ganq,

Fanh yiengh guh ndaej hingz.