Haetromh roegcak saet,

Caet nyied it hauh daengz,

Daengx guek bouxboux faengz(vuen),

Doxyaeng guh fwen danq.

Haetromh roegcak angq,

Ngoenz laeb Dangj daeuj daengz,

Daengx guek bouxboux faengz(vuen),

Doxyaeng daeuj goenghoh.

Daengngoenz baez swng hwnj,

Lajmbwn gizgiz rongh,

Dangj lumj aen daeng ndongq,

Rongh Cungguek liuxcaez.

Gungcanjdangj okdaeuj,

Cungguek raeuj lumj feiz,

Ngoenz beij ngoenz bienq ndei,

Vunz meiz(miz) gwn meiz(miz) daenj.

Cunghgoz Gungcanjdangj,

Naemj gvangq youh ngeix gyae,

Daiq vunz byaij doxbae,

Yamq ndaej onjdwddwd.

Guh boux vunz Cunghgoz,

Byawz mbouj rox daengz mwngz,

Lumj aen daengngoenz swng,

Lajmbwn cungj raeuj doh.

Daj mwngz baez laebbaenz,

Raen geijlai hojnanh,

Miz bouxbang bouxfanj,

Naemj gejsanq mwngz bae.

Daj mwngz baez laebbaenz,

Cungguek couh raen rongh,

Baihnaj miz daeng ndongq,

Yienghyiengh bongh baenaj.

Gaxgonq deng vunz haep,

Raeuz najsaep yaek dai,

Gungcanjdangj ak lai,

Haibak vunz cix nyiengh.

Laeb Dangj daengz banneix,

Ndaej bak lingz seiq bi,

Daj gungz bienqbaenz miz,

Daj ngviz（nyieg） bienqbaenz ak.

Bak lingz seiq bi neix,

Seiqgyaiq riuz mingzdaeuz,

Gungcanjdangj guek raeuz,

Naeuz daengz bouxboux haenh.

Gungcanjdangj daiqdaeuz,

Raeuz mbouj you mbouj heiq,

Doengzdoih youq lajdeih,

Raeuz miz fukgveiq（fouqgviq） hung.