6 nyied 6 hauh, youq Hozciz Si Lozcwngz Mulaujcuz Swciyen Vaizginz Cin Ginzcangh Ndaem Ciengx Ciennieb Hozcozse, gyoengqvunz cingq gip reh nonsei. Geij bi neix daeuj, aen yienh neix ciuq saed dingh geiq diuzcingj gapgyaq canjnieb, baengh “gunghswh+dieggiek+hozcozse+nungzhu”, mboujduenh guh hung guh ak ndaem gosangh ciengx nonsei, coihaeuj bouxguhnaz lai miz ngaenz roengz daeh、ndaem ciengx demndaej. Seizneix, aen yienh neix ndaem gosangh miz 9.2 fanh moux, ranz ciengx nonsei mauhgvaq 2.8 fanh ranz, guj bineix daengx yienh ndaem gosangh ciengx nonsei baenz cienz mauhgvaq 13 ik maenz.

(Liu Gvanghfuz ingj)