5 nyied 11 hauh, daj gwnzmbwn ingj aeu doengh nazmbaeklae Sanhgyangh Dungcuz Swciyen Duzdung Cin Dangzcauz Cunh caeuq Cihliuz Cunh, doenghnaz gyaeundei raixcaix. Ngamq haeuj seizhah, nazmbaeklae dangdieg raemx rimrwd、sawdikdik, caeuq gyoengq ranz laeuzfaex diuqga miz daegsaek、roen gauhsuz ngutngut ngeungeu gapbaenz fuk veh ndeiyawj raixcaix ndeu. Geij bi neix daeuj, aen yienh neix comzrengz henhoh yiengh mbanj gaeuq minzcuz vunznoix, doinyoengx henhoh aen mbanj gaeuq caeuq baeyouz yawj vwnzva、guh reihnaz miz daegsaek dox yungzhab, hawj Mbanjdung gaeuqgeq dauq hoenghhwdhwd.

（Gungh Bujgangh ingj）