5 nyied 9 hauh, Aen Hoih Daengxcungq Swcigih Dangjveij Minzcuz Gunghcoz Veijyenzvei Bi 2025 youq Nanzningz hai, lwnh gij hong bi 2024, anbaiz baijbouh hong youqgaenj bi 2025. Swcigih Dangjveij Cangzveij、Dungjcanbu bucangj, Swcigih Dangjveij Minzcuz Gunghcoz Veijyenzvei cujyin Vangz Sinhfu camgya caemhcaiq gangjvah.

Aen hoih daegbied naeuz, aeu lai hag rox gij swhsiengj youqgaenj gyaak caeuq gaijndei hong minzcuz Siz Ginbingz cungjsuhgi, caen lai roxnyinh dawz mbaq rap hong minzcuz dangj seizdaih moq ndei bae. Aeu gaenjndaet hopheux diuz sienqmeh gaiq hong, giethab daengx gih hwngfat ndei saed、gij saedsaeh Gvangjsih yendaiva yiengh Cungguek caeuq gij ngeix gij muengh gak cuz vunzlai doinyoengx hwnqguh aen gih guhyiengh， laebdaeb ei hagdangz、lajmbanj、segih、giyez seiq dieg neix bae guh hong, haeujlaeg doihaeuj aen hengzdoengh hwng bien fouq minz seizdaih moq, netsaed doihaeuj caezcaemh baenzmiz, laebdaeb gyalaeg hong gejlwnh lijlun, doinyoengx hwnqguh aen gih guhyiengh couqmaenh gij eiqsik Cunghvaz Minzcuz ranz vunz ndeu byaij laeg byaij saed. Aeu dangrap caen guh, gyaak daengx buenz suenqveh boiqhab, gek fuengz fungyiemj huxndumj, caezcaemh guh ndei hong minzcuz cunghgyau dangj seizdaih moq.

Swcigih fucujsiz、Swcigih Dangjveij Minzcuz Gunghcoz Veijyenzvei fucujyin Huz Fanz cujciz aen hoih. Aen hoih dingqaeu Swcigih Minzcuz Gunghcoz Veijyenzvei gunghcoz baugau, saemjngeix doenggvaq mizgven vwnzgen. Swcigih Dangjveij Senhconzbu、Fulenz、Fazcanj Gaijgwzveij、Gyauyuzdingh caeuq Nanzningz、Gveilinz Siveij Dungjcanbu youq aen hoih gangjvah doxlwnh.(daj 《Gvangjsih Yizbau》 aeu daeuj hoiz Hoz Minzvaz)