Sam nyied sam, fwn mok mbangmbengmbeng,

Va dauq daengz gwnz nyefaex gaxgonq, hai hoenghhwdhwd.

Henz dah， gorum mwncumcum,

Raemxcin con giuz gvaq, dauq daengz ndawrumj raemxcin.

Rumz guh cih, roeg guh diuh,

Vunz angq daenj buh moq,

Comz youq diegnywj、 diegdangz、 henz gai、 ndoibya,

Doiq fwen.

Fwen ciengq hawj byaheu, ciengq hawj nywjfaex,

Ciengq hawj rin, ciengq hawj raemxlae dingq,

Ciengq hawj yiengz cwz daengx ndoi, ciengq hawj namh gaeuq gyaj moq dingq.

Fwen, ciengq hawj boux vunz doiq fwen,

Ciengq hawj boux vunz gyaeuj baek va roxnaeuz gyaeuj hau.