Seizcou dwg fuk veh gyaeundei ndeu, dauqcawq cungj dwg saek lai cungj lai yiengh.

Seizcou dwg saek henjgim. Ndaw doenghnaz, gohaeux henj- rwdrwd riu ndaej hwet cungj gungj lo, lumj coh vunz baijyienj gij sim- angq fungsou de. Raq rumzcou ci gvaqdaeuj, ndaw doenghnaz youh nyoengx hwnj langh saekgim. Ndaw suenmak, gij makgam henjrwgrwg haenx venj rim gwnz nye, couh lumj baenz aen baenz aen daengloengz iq nei. Gyoengq daxlungz guhnaz cingq nyaengq mbaet lwgmak ne, naj riunyum- nyum vuenyungz dangqmaz.

Seizcou dwg saek hoengz. Mbawraeu bienq nding lo, lumj feizmbaw nei dawz yubyub. Muengh bae gizgyae, mbawraeu rim ndoi rim rungh haenx lumj aen haij saekhoengz nei. Ndaw suenmak, makloengzfeiz hoengz- yanyan lumj faj naj gyoengq siuj baengzyoux hoengzhwdhwd, hawj vunz nyaenx mbouj ndaej siengj haeb gaemz ndeu.

Seizcou dwg saek aeuj. Makit baenz lo, baenz roix baenz roix makit aeujwtwt lumj majnauj nei venj youq gwnz gyaq makit. Youq laj ronghndit ciuq, yapmyig gij rongh wenjmyagmyag.

Seizcou dwg lai saek lai yiengh. Ndaw suenva, gak cungj gak yiengh vagut doxciengj hailangh, miz hoengz、henj、hau、aeuj……lai saek lai yiengh, gyaeundei raixcaix. Gyoengqde miz mbangj lumj dahsau launyaenq nei, dawz faj naj yo ndaw myokva bae; miz mbangj doxceng hai ndaej geizheih doxbeij hai ndaej ronghsien, lumj faj faj naj riu ndaej angqhwdhwd; miz mbangj lumj caeuq gou guh yahndoj nei, swhgeij ndoj ndaw caz mbawheu bae.

Gou gyaez cawzcou, gyaez gij saek henjgim de, gyaez gij saek nding lumj feiz de, engq gyaez gij saek lai cungj lai yiengh de.

秋天的色彩

秋天是一幅美丽的画卷，充满了丰富的色彩。

秋天是金黄色的。稻田里，黄澄澄的稻谷笑弯了腰，仿佛在向人们展示着丰收的喜悦。一阵秋风吹过，稻田里涌起了金色的波浪。果园里，黄澄澄的柑橘挂满了枝头，就像一个个小灯笼。农民伯伯们忙碌地采摘着果实，脸上洋溢着幸福的笑容。

秋天是红色的。枫叶变红了，像一团团燃烧的火焰。远远望去，满山遍野的枫叶就像一片红色的海洋。果园里，红彤彤的火龙果像小朋友们红扑扑的脸蛋，让人忍不住想咬一口。

秋天是紫色的。葡萄成熟了，一串串紫莹莹的葡萄像玛瑙似的挂在葡萄架上。在阳光的照耀下，闪烁着迷人的光芒。

秋天是五彩斑斓的。花园里，各种各样的菊花竞相开放，有红的、黄的、白的、紫的……五颜六色，美丽极了。它们有的像害羞的小姑娘，把整个脸都缩到了花苞里；有的争奇斗艳，像一张张灿烂的笑脸；有的好似在和我捉迷藏，把自己藏在绿叶丛中。

我爱秋天，爱它的金黄，爱它的火红，爱它的紫莹莹，更爱它的五彩斑斓。

(lauxsae son raiz: Cinz Yenginh / 指导老师：覃燕金)