Daxmeh mboengq neix nyaengq sou haeuxyangz、maenzfaex、oij…… naetnaiq lai lo. Haemhneix, gou siengj bang daxmeh swiq baez din ndeu, neix dwg gou baez daih’it bang daxmeh swiq din.

Gou rag fwngz daxmeh, naeuz:“Meh ha, cingj mwngz naengh roengzdaeuj, haemhneix gou yaek hawj mwngz angq baez ndeu.” Daxmeh ngeizvaeg dwk cam:“Gijmaz angq baez ndeu ha?” Gou naeuz: “Mwngz naengh gonq, yaep ndeu couh rox lo.” Gou sien daek bat raemxraeuj ndeu daeuj, caiq menhmenh cuengq din daxmeh roengz ndaw bat bae, baez di baez di swiq. Sien swiq lwgdin, caiq fou najdin. Seizde, daxmeh raemxda conh ndik roengzdaeuj lo, lumh aen gyaeuj gou naeuz: “Daeglwg gou maj hung lo.” Gou dingqnyi gij vah daxmeh angq raixcaix. Daxmeh hix ndaengmoj dwk riu lo. Mbouj geij nanz, din daxmeh couh swiq ndei lo, gou aeu sujbaq uet din daxmeh. Lumh gij din daxmeh, gou cij raen cik din daxmeh gaenq dawz daw, din de cocatcat, baenzneix byombyetbbyet,lwgda gou nyinhcumx lo.

Daxmeh, mwngz dwgrengz la! Gvaqlaeng, gou lij yaek swiq din hawj mwngz.

我给妈妈洗脚

妈妈最近忙着收玉米、木薯、甘蔗……太累了。今晚，我想给妈妈洗一次脚，这是我第一次给妈妈洗脚。

我拉着妈妈的手说：“妈妈，请您坐下，今晚我要给您一个惊喜。”妈妈疑惑地问：“什么惊喜呀？”我说：“您先坐着，一会儿就知道了。”我先打来一盆温水，再把妈妈的脚轻轻地放在盆里，一点一点地洗。先洗脚趾缝，然后搓一搓脚面。这时，妈妈眼睛里闪烁着晶莹的泪花，抚摸着我的头说：“我们家的孩子长大了。”我听到妈妈的话开心极了。妈妈也露出了自豪的笑容。不一会儿，妈妈的脚就洗好了，我拿起毛巾给妈妈擦脚。摸着妈妈的脚，我才发现妈妈的脚上已经布满了厚厚的茧，她的脚那么粗糙，那么瘦小，我的眼睛湿润了。

妈妈，您辛苦了！以后，我还要给您洗脚。

(lauxsae son raiz:Cinz Haijyangz Cinz Hungzgiuz / 指导老师： 覃海洋 覃洪球)