9 nyied 3 hauh, Vuzcouh Si Cangzcouh Gih Cwnghez、Yilinz Si Yungzyen Cwnghez gih raeuz lenzhoz Gvangjdungh Cauging Funghgaih Yen Cwnghez youq Vuzcouh lizsij vwnzva cangzlangz guh“bitmaeg doengzsim coh haij maeuz ak——angqhoh yinzminz cwnghez laebbaenz 75 hopbi caeuq meijsuz sijfap ingjsiengq langhbaij caemhguh Yez Gangj Au Davanhgih gizdieg canhloh youqgaenj”. Hozdung yinx daeuj haujlai siminz ginzcung ngonzyawj. Baez langhbaij neix baijok 181 gienh dozveh、sijfap、mbawsiengq、gunghyi meijsuz cozbinj, aeu bitmaeg caeuq aen gih ingjsiengq caensaed geiqloeg gij cingzcik dangdieg, lumjbaenz ginghci hwngfat cix ndei cix onjdingh、beksingq gwndaenj vuenyungz laebdaeb gaijndei、giekdaej sezsih gyavaiq hwnqguh、gak minzcuz beixnuengx doxgiet baenaj、sevei daihbuenz huzndei onjdingh daengj. Neix yienh’ok yinzminz cwnghez caeuq Cungguek moq fwnrumz caemhruz、mbouj lau haemzhoj buek baenaj, coicaenh vwnzva doxgyau doxyungz, fatyiengz gij vwnzva cienzdoengj ndei.

（Hoz Vazvwnz/何华文）