Youq haihag ngoenz daih’it laeng aen yozgiz seizcou bi 2024, Liujcouh Si gak aen gauhyau、cizyez gisuz yozyau、 dangjyau、cungh siujyoz daengj haj bak lai aen hagdangz dawz couqmaenh gij eiqsik caezcaemh Cunghvaz Minzcuz、 gij cingzeiq gyaez dangj gyaez guek yungzhaeuj ndaw “haihag dangz goq daih’it” bae, aeu hingzsik lai cungj lai yiengh bae guh aen suenqveh gak cuz nyezrauh doxgyau caeuq hozdung dangz goq swhcwng couqmaenh gij eiqsik caez- caemh Cunghvaz Minzcuz. Liujcouh Si guh aen hozdung neix, gvancez guhsaed le Swcigih Dangjveij、Cwngfuj aen baijbouh hwnqguh aen gih guhyiengh couqmaenh gij eiqsik caezcaemh Cunghvaz Minzcuz, cangz- daiva dawz son’gyauq couqmaenh gij eiqsik caezcaemh Cunghvaz Minzcuz gvihaeuj gozminz son’gyauq bae, caemhcaiq guh daengz seizneix.

Gak aen hagdangz guh haihag dienjlaex、cawjdaez banhoih、cien- daez lwnhgangj、yawj sibinz gyaez guek daengj, guh “Cunghvaz Minzcuz ranz vunz ndeu, doengzsim saed- yienh loqsiengj Cungguek”“Valwg- loux langh loq cozoiq, cingzngeih minzcuz coi doxgiet”daengj hozdung. Neix son’gyauq dazyinx daengx si gak minzcuz nyezrauh geiqmaenh gij maqmuengh caeuq iugouz Siz Gin- bingz cungjsuhgi, mboujduenh dem- giengz “haj aen nyinhdoengz”, ciengq yiengj diuz go “couqmaenh gij eiqsik caezcaemh Cunghvaz Minz- cuz”, vanq gij ceh minzcuz doxgiet haeuj ndaw sim hagseng daengx si bae.

Gaenh geij bi doxdaeuj, Liuj- couh Si cangzdaiva yungh “haihag dangz goq daih’it” guh ndei dangz goq swhcwng son’gyauq couqmaenh gij eiqsik caezcaemh Cunghvaz Minz- cuz, dazyinx daengx si hagseng nyez- rauh couqmaenh gij eiqsik caez- caemh Cunghvaz Minzcuz, caenndang roengzrengz coicaenh gak minzcuz doxgyau dox baedauq doxyungz.

(周 林/Couh Linz 颜纯欣/Yenz

Cunzyinh)