Vih couqmaenh gij eiqsik caez- caemh Cunghvaz Minzcuz, cienzciep hungzyangz vwnzva cienzdoengj ndei Cunghvaz, daj 8 nyied 27 hauh daengz 30 hauh, bi 2024 aen ban sonlienh bouxcienzciep feihyiz fwen Myauzcuz、aenvenz yinhyoz youq Bwzswz Si haiguh.

Baez sonlienh neix faen song geiz bae guh, miz 120 boux vunz camgya. Aen ban cingj daeuj bouxcienzciep feihyiz、 bouxconhgyah Myauzyozvei laeng Yinz- nanz Swngj Vwnzsanh Bouxcuengh Myauzcuz Swcicouh, son bouxhag boq aenvenz、gij cihsiz fwen Myauzcuz caeuq Myauzcuz yijvwnz daengj. Gyoengq bouxhag lij bae daengz Bwzswz Si Nazboh Yen Bwznanz Yangh Gveilinz Sinhcunh biujyienj gij cwngzgoj sonlienh.

Baez sonlienh neix gujli engq lai vunz gyahaeuj aen doih cienzciep baujhoh vwnzva cienzdoengj Cunghvaz ndei, vih hwnqguh yienhdaihvaq vwnz- mingz Cunghvaz Minzcuz ok faenh rengz Bwzswz.

（李红岚/Lij Hungzlanz）