Dangjcunghyangh singjgaeh,Haenq ceih boux yaemmaeuz,Bouxrwix mingzsing haeu,Deng vunz naeuz vunz ndaq.Dangjcunghyangh yinghmingz,Dwk hingz “571”,Linz Byauh laemx dingjgit,Gag libgib deuzdai.Dangjcunghyangh daraeh,Saehsaeh yawj ndaej daengz,“Seiqvunzbang” dwgcaengz,Gaemhdawz gyaeng hwnjdaeuj.Dangjcunghyangh hawjrengz,Sab ci henz datlingq,Haenq bued luenh baenq cingq,Dauq onjdingh aen biengz.4. Daengx Guek Guh GaijgwzRumzcin ci roengz doengh,Goengqgoengq bya cix heu,Ndawsuen byaek hwnj reuz,Diuzdiuz va baenz roix.Cib’it Gaiq Samcung,Aen hoihhung hai hoengh,Daengx guek deng gingdoengh,Lumj ninz moengh(loq) dauq ndiu.Swhsiengj ndaej gaijbienq,Lohsienq byaij cingqdeng,Song fwngz ca cungj geng,Haenqrengz gauj ginghci.Goeng’ak Dwng Siujbingz,Da cim daengx seiqgyaiq,Veh aen gien henz haij,Gaiqgaiq cungj bienq ndei.Sinhcin hoengh hwnjdaeuj,Saedcaih raeuj sim vunz,Dangq ndaw loqfangzhwnz,Lajmbwn byaengqda yawj.Daengx guek guh gaijgwz,Gezcwz dingh ndaej ngamj,Roengzrengz gauj swnghcanj,Genhciz dangj guh daeuz.

（33）