Diuz rij Mbanjcuengh ngutngut ngeujngeuj,Geuj ok ndaw bya gex lueg daeuj,Riuz gvaq haujlai giz cij daengz bakaek Mbanjcuengh,Geiq hojhaemz caeuq vaiqvued Bouxcuengh.Geiq ndaej seiz iq youq henz rij guhcaemz cauzhuhu,Diuz rij yiengj “dingdung” dwg bouxgeq Mbanjcuengh gangjgoj,Doengh ngoenz nauh’oenoen,Gwnz rij lumjbaenz goemq fwnmok baenz benq baenz bueng.Mboengqgonq binghdoeg lah daeuj,Gizgiz gyangz naek gyangz raez,Diuz raemxrij sim cieg ndaej daej ngongx daengx lae,Seizneix, nditndat youh angjciuq daengz ndaw bya,Fwnmok sanq caez,Raemxrij najhai riunyumj eu fwen baenaj moq.Baihgwnz henz rij ngutngut ngeujngeuj,Ngamq lai aen haw moq gai huq,Go’ndoek henz rij riengz rumz diuq foux,Bibuengq bibuengq,Bouxcuengh gvaq ndaej ndei,Diuz rij rox vih raeuz soengq angqyangz.