Mboengqneix, aen hozdung yenzdauj yawj- ngonz sonhag Sawcuengh Vahcuengh daengx gih bi 2024 youq Gveigangj Si Cinzdangz Gih guh. Baez hozdung neix dwg Swcigih Gyauyuzdingh cawjbanh, Nanzningz Si Swhfan Dayoz Codaengj Gyauyuz Yozyen ciepbanh, Gveigangj Si Cinzdangz Gih Gyauyuzgiz bangbanh. Miz 120 lai boux gyauyenzyenz Sawcuengh Vahcuengh caeuq lauxae Sawcuengh Vahcuengh daengx gih 39 aen yienh(si、gih) hai miz dangzgoq Sawcuengh Vahcuengh de daeuj caeuqfaenh baez hozdung neix.

Hozdung neiyungz miz lauxcangh gyangjcoz、dangciengz yawjngonz hwnjdangz、langhbaij aendoih sonhag、caez lwnh gij gingniemh hwnj- dangz Sawcuengh Vahcuengh、faencuj gangjgoj bingz dangzgoq、lauxcangh diemjbingz daengj.

Baez hozdung neix ndaej hawj daengx gih gak yienh(si、gih) hai miz dangzgoq Sawcuengh Vahcuengh de doxlwnh gingniemh sonhag, damqra aen vunqsik moq sonhag Sawcuengh Vahcuengh, ndaej daezsingj lohnaemj guhhong sonhag Saw- cuengh Vahcuengh, gyagiengz son’gyauq minzcuz doxgiet baenaj, caenh’itbouh couqmaenh gij eiqsik caezcaemh Cunghvaz Minzcuz.

(Cinz Souhwngz)