6 nyied 8 hauh banhaet, Gvangj- sih Couqmaenh Gij Eiqsik Caezcaemh Cunghvaz Minzcuz Lizsij Vwnzvacanj haimuqsik youq Gvangjsih Minzcuz Bozvuzgvanj guh, baez langhbaij neix dwg Swcigih Vwnzva Caeuq Lij- youzdingh、Swcigih Minzcunghveij lienzhab cawjbanh.

Guh baez langhbaij neix, dwg gij banhfap youqgaenj gih raeuz nyinh- caen hagsib gvancez gij swhsiengj vwnzva Siz Ginbingz、gij swhsiengj youqgaenj gvendaengz gyagiengz caeuq gaijndei hong minzcuz Siz Ginbingz cungjsuhgi, haeujlaeg gvancez gij fanghloz iugouz hungnaek Siz Ginbingz cungjsuhgi naeuz Gvangjsih, netsaed doicaenh hwnqguh aen gih guhyiengh couqmaenh gij eiqsik caezcaemh Cunghvaz Minzcuz, dwg gij saedguh gizdieg vwnzva haeujlaeg hengzguh couqmaenh gij eiqsik caezcaemh Cunghvaz Minzcuz、haenqrengz cauhlaeb aen gyaranz cingsaenz caezcaemh Cunghvaz Minz- cuz, gyagiengz baujhoh cienzswnj vwnzva yizcanj、fatyiengz vwnzva ciuhgeq maenhndei Cunghvaz, haeuj- laeg son’gyauq lwnhgangj couqmaenh gij eiqsik caezcaemh Cunghvaz Minz- cuz.

Baez langhbaij neix faen baenz “caez hai diegguek gvangqlangh”“caez raiz lizsij gyaeraez”“caez cauh vwnzva ronghsag”“caez ganq cing- saenz minzcuz hungmbwk” seiq bouhfaenh, langhbaij miz huqcaen、dozfaenz、aeu dohmeizdij bae daej- niemh daengj, langhbaij le gak minzcuz Gvangjsih coengh goengrengz hung hawj guhbaenz caeuq hwngfat Cunghvaz Minzcuz、aen gungdungzdij Cunghvaz Minzcuz、Cunghvaz vwnz- mingz, lwnhgangj gij gojgaeq mizyinx gak minzcuz Gvangjsih caeuq gak minzcuz dieg wnq dox baedauq doxgyau doxyungz, langhbaij le ndaejdaengz Dangjcunghyangh lingj- dauj cinjdeng caeuq minzcuz cwng- cwz dangj ronghlwenq, aen gizmen Gvangjsih minzcuz doxgiet、aenbiengz onjdingh、bien’gyaiq anningz ndaej mboujduenh gyamaenh hwngfat.

Ciuq cam rox, langhbaij yaek laebdaeb daengz 2024 nienz 10 nyied, gvaqlaeng yaek bae Vuzcouh、Liuj- couh、Gveilinz、Yilinz cunz baij. Mboengq langhbaij lij aeu giethab langhbaij laebdaeb guh “cehceh caezhoz veh gyaranz” bouxyawj dox- doeng、“gip aen’anq gej duenz cien bi” bozvuzgvanj saedgingj heiqbonj daejniemh daengj hozdung.

(Liengz Yivaz Vangz Yinz)