6 nyied 7 hauh, Lozcwngz Mulaujcuz Swciyen Swbaj Cin Aen Sizgensoj Vwnzmingz Seizdaih Moq caeuq Swbaj Cin Menzvah Cunh comz gak minzcuz vunzlai daeuj guh aen hozdung ceiqnyienh fugsaeh “aen ciet raeuz·Duenngux” guh faengx homfwd caemh cienzcingz.

Mwh hozdung gyoengq boux ceiqnyienh caeuq gak cuz vunzlai doxcaez guh faengx, angqvauvau. Caezgya lij angqangq yangzyangz raed ceij Mulaujcuz guh aen cawjdaez dwg Ciet Ngux Nyied Co’ngux dem, vunzlai aen mbanj neix gvenq youq Ciet Ngux Nyied Co’ngux raed ceij, dwg vunzlai aen mbanj neix maqmuengh cienzswnj ndei vwnzva ciuhgeq caeuq ndaej gvaqngoenz gyaeundei.

Ciuq cam rox, aen cin neix lij laebdaeb guh baenzroix hozdung coi minzcuz doxgiet baenaj, damqra “dangjgen+vwnzva ciuhgeq”“ngoenzciet+feihyiz” daengj vunqsik, haiguh engq lai vwnzva hozdung miz minzcuz cauh’eiq caeuq vunzlai haengj dingq gyaez yawj de, fatyiengz minzcuz vwnzva maenhndei, caenh’itbouh couqmaenh gij eiqsik caezcaemh Cunghvaz Minzcuz, coi gak minzcuz dox baedauq doxgyau doxyungz.

(Vuz Cing Cinz Mozliz)