Miz ngoenz ndeu, duz mou ndeu haeuj ndaw riengh max bae yawj baengzyoux ndei de duz max geq, caemhcaiq caepcawq louz youq gizhaenx gvaqhwnz.

Mbwn laep lo, baenz ninz lo. Duzmou ndonj haeuj ndaw bo nywj bae, ninz ndaej cwxcaih raixcaix. Hoeng, gvaq haujlai nanz, duzmax lij dwg soengz youq gizhaenx mbouj doengh. Duzmou cam duzmax vihmaz caengz ninz. Duzmax hannaeuz, de soengz youq baenzneix couh suenq gaenq ninz lo. Duzmou raen geizgvaiq dangqmaz, couh naeuz:“Soengz youq baenzlawz ninz ne, yienghneix ninz mbouj onj hix mbouj cwxcaih saekdi.” Duzmax hannaeuz:“Onj caeuq cwxcaih, neix dwg mwngz gvenq lo. Dangguh duzmax, biucauj dou cij gvenq. Ndigah, couh dwg youq seiz ninz, dou hix caepcawq biucauj.”

(Yanz Vwnzcingj / raiz Cwz Fanghdingz / hoiz)