Gou maij yiengh dangz ndeu dangqmaz. De heuhguh dangz- bakhom, gwn hwnjdaeuj couh lumj makdauz youq ndaw bak menh- menh yungzvaq baenz raemx mak- dauz, ndeigwn dahraix!

Dangzbakhom caen dwg ndei gwn lai lo. Miz haemh ndeu, gou gwn benq doq benq, gwn dwk daengx mbouj ndaej. Cigdaengz ngamq lw roek benq le, gou cij sim’in dwk daengx roengzdaeuj, ndaep daeng ninz lo. Haetlaeng hwnqdaeuj, gou sij mbouj ndaej mbatdog gwn liux roek benq dangz neix, siujsim riri dawz gyoengqde bungj daeuj ranzhag, dajsuenq youq ndaw gyausiz menhmenh cimz gwn.

Mwh gou cingq naengh dingh youq baihnaj congzsaw, ngamq yaek gwn dangzbakhom, gyoengq doengzhag yawjraen gij baujboiq gou lo. Gyoengqde cungj yawj coh fwngz gou, cim daengz gou cungj miz di najremj lo. Gou dawz fajfwngz gaem dangz haenx daj henz bak cuengq roengzdaeuj. Ndaw sim gou lumj bonjfaenh gou miz song ndang nei, cihgeij caeuq cihgeij doxbuek. Boux ndeu hoz- ndat dwk naeuz:“Neix mingzmingz dwg gij dangz gou! Vihmaz aeu baen hawj bouxwnq?” Lingh boux cix oksing nyieg dwk fanjbuek:“Hoeng mizseiz gyoengq doengzhag hix rox faenyiengj gij ndeigwn swhgeij daiq daeuj haenx.”Doeklaeng song boux cihgeij gou caezhoz lo:“Gag angq beij mbouj ndaej cungqvunz cungj angq, baen ba!”

Yienghneix, gou dawz roek benq dangz neix baen okbae. Yawj gyoengq doengzhag gwn dangz le gwnz naj riunyumj riuangq, ndaw sim gou hix angqyangz raixcaix.

Laxlawz, neix couh dwg gij angqyangz roek benq dangz!

(Gyanghsuh Swngj Bihcouh Si Yinhoz Gauhdwngj Swhfan Yozyau Fusuz Siujyoz Ngeih Nienzgaep Dingh Sannoz/raiz Lij Lungzfangh/hoiz)