Nae dingz lo, dangqnaj gou miz aen seiqgyaiq hauvauvau ndeu. Gou angqyangz buet roengz laeuz, daeuj daengz gwnz diegnae caeuq baengzyoux ndei gou—Yingzyingz itcaez hoenxciengqnae.

“Cinzcinz—ciep giuz!” Gou baez nyeux gyaeuj, Yingzyingz youq giz liz gou mbouj gyae de vad fwngz coh gou angqriu. Aen giuznae ndeu mbin daeuj coh gou, aen gyaeuj gou baez veq, cingq- ndei ndoj gvaq aen giuznae neix. Swnh de caengz caegguk hoenx lwnz daihngeih, gou buet vaiq ndoj daengz ndaw bungz ci le, gaem hwnj aen giuznae, sing hung hemq naeuz:“Gou yaek caeuq mwngz doxbeij byawz ak!” Vah ngamq gangj sat, aen giuznae de gaenq dwk deng aen bungz ci, sing “bum” ndeu gvaqlaeng, aen giuz- nae lumj ndaundeiq gwnzmbwn nei doek roengzdaeuj. Raen Yingzyingz yawj ndaej ngaez lo, gou swngzgei dawz aen giuznae gaenq byaenj ndei haenx gveng coh de, “a!” sing hemq caengz dingz, giuznae soh doek roengz hozbuh de bae, de lumj gwnz din cang cukswq nei diuq hwnj diuq roengz, gou riu ndaej fad’anj dungxin liux.

“Hahaha……” Dou lumj song duz maxlwg youq gwnz diegnae mwngz gyaep gou、gou laeh mwngz, giuznae youq ndaw gyang dou mbin bae mbin dauq, gij sing angq dou lumj naefaiq nei sanq daengz daengx aen siujgih.

（Vangz Cinzcinz raiz Lij Lungzfangh hoiz)