Gveigangj Si Cinzdangz Gih Mungzgungh Cin Gauhcan Siujyoz sam (2) ban Yiz Sihgez

贵港市覃塘区蒙公镇高占小学三（2）班 庾诗杰

Gou miz dah lwgnyez bahbij dwggyaez ndeu, de dwg mwh gou haj hopbi ngoenzseng daxmeh soengq hawj gou.

Bahbij geijlai gyaeundei ha! De miz byoemgyaeuj saek henjgim raezrangrang, gwnz naj gvai de miz doiq lwgda youh hung youh luenz ndeu, lij rox yaepda ne! Aen ndaeng de gon sang, aen bak hoengzfet iqet, lwgfwngz soemset, song ga raezrangh, daengx aen ndang reuxred dwggyaez.

Bahbij daiq haujlai angq- yangz daeuj hawj gou. Moix baez gou sij cozyez sat, couh dawz de daeuj guhcaemz. Bahbij miz aen ranz ndei ndeu, baihndaw faen miz aen rug、bakcauq、hekding, gou daj ndaw gvih fan geij geu vunj okdaeuj, baez geu baez geu bang de vuenh daenj, geijlai mizyinx ha!

Gou simcingz mbouj ndei seiz, couh gotmaenh bahbij mbouj guhsing, de yaepyaep lwgda, lumjbaenz doiq gou gangj vahseb:“Bouxcawj iq gou, moix boux vunz cungj miz seiz mbouj haisim, gou maq- muengh mwngz vaiqdi sim- angq hwnjdaeuj, gou ciengx- lwenx buenx mwngz guh- caemz!” Gou bae hwnjhag seiz, gou hawj bahbij ninz youq gwnz swiz, bu fandenz hawj de, maqmuengh de ndaej ninz- ndaek, loq aen fangzhwnz diemzsisi ndeu, bahbij cix sij mbouj ndaej gou naeuz:“Boux- cawj iq, mwngz aeu vaiqdi dauqma ho!” Gou nai de naeuz:“Ndei，mwngz cuengqsim ba!”

Daengz gyanghaemh, gou couh got bahbij youq najaek ninz, caeuq de itheij haeuj ndaw fangzhwnz diemzsisi bae.

Gou gyaez bahbij raixcaix, mbouj dwg aenvih de gyaeu- ndei, engq dwg aenvih de itcig buenx gou. Gou aeu guh daxboh daxmeh de, ciengxlwenx gyaez de!

（lauxsae sonyinx: Cinz

Hungzmeiz/指导老师：覃红梅）