Gveigangj Si Cinzdangz Gih Mungz- gungh Cin Gauhcan Siujyoz sam (1) ban Vangz Yidungz

贵港市覃塘区蒙公镇高占小学三（1）班 黄玉彤

Ngoenzneix, gou caeuq daxmeh bae reihbyaek, gou yawjraen daxmeh rwed raemx byaek gou hix angq dwk hag daxmeh rwed byaek. Doeklaeng, byaek rwed mbouj baenz, cix dawz buhvaq loengh dumz loengh uq lo. Daxmeh simgip naeuz:“Vaiq di baema vuenh buhvaq, mbouj ne, deng dwgliengz bw.”

Gou ma daengz ranz, sikhaek vuenh buhvaq dumz roengzdaeuj, daxmeh lij caengz dauqma, gou sim siengj: Daxmeh moix ngoenz aeu guh hongrog, youh nyaengq hongranz, lij fugsaeh gou caeuq daegnuengx, geijlai sinhoj ha, danghnaeuz gou ndaej bang daxmeh guh di hong ndeu geijlai ndei ha! Yawj gij buhvaq dumz gou duet roengzdaeuj haenx, gou roxnyinh miz hong guh lo, gou couh hag saeg buhvaq ba！

Gangj guh couh guh, gou hag gij yiengh daxmeh bingzciengz saeg buhvaq, ra faenjsaegbuh daeuj, dajhai suijlungzdouz, ciep buenz raemx ndeu, dawz buhvaq cimq ndaw raemx bae, caiq cuengq buenq beuzgeng faenjsaegbuh roengz raemx bae, aeu din caij geij baez. Miz haujlai raemxbop lo. Gvaq yaep ndeu, gou aeu fwngz no giz uq buhvaq, hoeng, gij uq cungj saeg mbouj bae. Daxmeh dauqma raen le, son gou gaem gaiq cat daeuj cat, daxmeh son naeuz, sien dawz giz uq ra okdaeuj, bu bingz gwnz dieg, caiq ciuq itdingh fuengyiengq cat bae, lai cat geij baez couh ndaej seuq lo. Gou ciuq gij vah daxmeh bae saeg, roengzrengz cat ha cat. Gou youh saeg geij baez raemx, dauqdaej saeg seuq lo, hix mbouj miz fugfauz lo, gou couh faenj raemx okdaeuj, dawz buhvaq dak gwnz faexsaux bae. Daxmeh raen gou yienghneix nyinhcaen, riu lo.

Gou hag rox saeg buhvaq lo. Gou geijlai sim’angq ha! Baezlaeng gou ndaej bang dax- meh guh di hongranz lo.

（lauxsae sonyinx: Veiz Lanzmei/指导老师：韦兰妹）