——Cimh Riz Bak Bi Cungguek Gungcanjdangj

——追寻中国共产党百年足迹

Dangh raemx cix dangh raemx,

Dungzci caemh diuz sim,

Caih rumz bongj fwn limz,

Hai din roemx bae naj.

Goengdaeuz yawj ndaej gyae,

Vunzlai caez bae coh,

Goengdaeuz yeix diuz loh,

Vunzlai rox bae riengz.

Sienghgih veijyenzvei,

Veh hungzveij lamzdoz,

Gyoengq dangjyenz bouxcoz,

Doengzhoz guh saehlaux.

Dangj “sam daih” ciuhai,

Lingh okdaiz guhfap,

Goz-Gung daeuj doxgap,

Caez rap hwng Cunghvaz.

(2) Baenaj Yaek Guh Vunz

Raemx doengh duzbing hwnj,

Rumz haenq byoq dawzfeiz,

Lajmbanj hingzseiq ndei,

Dauqcawq geiz ndingfwg.

Bya gungq youq ndaw daemz,

Miz duz caem duz sangj,

Ndaw doih Gozminzdangj,

Mbangj vunz rwix baenzmaz.

Saw 《Cwngci Couhbau》,

Haicaux benq diegndei,

Yaek henhoh mbawgeiz,

Hawj seizseiz mbouj uq,

Gyangjsizsoj bouxsae,

Gangj ndaej ndei raixcaix,

“Raeuz guh baeg guh naiq,

Gaiqgaiq deng lut aeu”.

“Doenghbaez dwg vaiz max,

Baenaj yaek guh vunz”,

Boux gairengz guhgwn,

Comz vunz cien vunz fanh.

Doengh boux vunz guhhong,

Cungj baenz yongz baenz ak,

Doxcomz swenjvakvak,

Guenfouj at mbouj roengz.

Lumj “gienghndat” lajnamh,

Cengcak gyam baihgwnz,

Dangq feizhaenq coemh fwnz,

Biu hwnj mbwn sadsad.

（3）