sangfwd sohswd, seiq geiq heusausau, dwg cungj doenghgo dingj ndaej nit ndeu.

Go’ndoek dwg caegcaeg majhung, raeuz mbouj rox- nyinh de maj gvaq. Gou ngoenzngoenz yawj doengh go’ndoek ndaw hongh ranz gou, cungj mbouj raen gyoengqde miz maz bienqvaq, caen sawj vunz simgip ha!

Seizhah doek raq fwnsaeq ndeu le, gou dauqdaej yawj- raen goek go’ndoek iet aen gyaeuj soemsetset ndeu ok- daeuj. Daxmeh gangj, neix couhdwg “gorangz”. Gwnz gorangz lij maj miz geij mbaw “byoem”, yaek sijsaeq yawj, cij rox haenx dwg mbawndoek iqsaeq, yienghneix gou cix soeng gaemz heiq ndeu. Ca mbouj lai gvaq aen singhgiz ndeu, gorangz couh baenz hoh baenz hoh maj baenz faexndoek saeqset raezrangh, gwnz faex- ndoek maj rim mbawndoek saekheu, lumj baenz faj baenz faj “fwngziq” nei.

Rumzcou hwnj, geij go faexndoek ndaem youq hongh- ranz gou haenx gaenq maj baenz fajciengz faexndoek mbaw nge mwncup ndeu lo. Gou caeuq gyoengqde beij sang, miz go faexndoek ndeu maj sang daengz mbaq gou! Hoeng cij aen singhgiz ndeu, go faexndoek haenx couh gaenq mauh gvaq dingjgyaeuj gou lo. Aenvih gienh saeh neix gou doeksaet yatyat, go’ndoek maj ndaej caen vaiq ha!

Seizdoeng daeuj lo, gij va nywj wnq gyanghongh cungj loenq ndoq liux lo, cijmiz go’ndoek ciuqgaeuq maj dwk. Gyanghongh diegdeih cungj gyaengj liux, gyoengq faex- ndoek cix gyaengq dwk dingj rumzdoeng bi rieng diuq foux.

Vunz ciuhgeq aenvih go- ndoek miz ceiqheiq cix aeu daeuj beijguh ginhswj. Suh Si gangj gvaq:“Gwn ningznyienh ndwi noh, youq mbouj ndaej ndwi ndoek.” Canghsei aeu fwensei danqhaenh go’ndoek cix siengj hawj vunz baenzneix guh vunz —— giengiengz、cingqcig、miz goetheiq.

Gijneix hix cingqdwg gij raeuz aeu hagsib go’ndoek haenx.

(Maj Yezvwnz/raiz

Nungz Cinfung/hoiz)

Go’ndoek