Singhgiz roek, gou okdou seiz bungz daengz Nijvah.

Nijvah daiq gou bae giz deih- fueng ndeu, gizde dauqcawq guh- angq riu，gyoengq vunz de gvaq gij saedceij vuenyungz angqyangz. Hoeng sawqmwh mbwn byoengq congh hung ndeu, gwnz namh hix dek ok diuz mieng laeg ndaemndat ndeu, raemx- rongz nyoengx okdaeuj, doenghgij nyaen hix okdaeuj foedfoed. Gyoengqvunz sim vueng fwngz luenh, lau dwk dauqcawq deuz. Nijvah raen yienghneix, gig nanzgvaq. Yiengh- neix, de couh gietdingh fong mbwn. Gou doiq Nijvah naeuz:“Cej Nijvah, gou caeuq mwngz itheij fong mbwn ba.”Nijvah ngaekngaek gyaeuj naeuz:“Ndei. ”

Hoeng neix mbouj dwg hangh hong yungzheih guh ndeu. Sien aeu daj gak dieg ra rin daeuj lienh baenz aeuj、heu、henj、hau、ndaem haj cungj saek neix. Gou caeuq cej Nijvah couh lw ndaek rin saek hau ndeu mbouj ra ndaej lo. Gvaq yaep ndeu, gou hemq naeuz:“Gou ra ndaej ngauq rin hau lo.”Nijvah gipgip muengzmuengz byaij gvaqdaeuj, naeuz:“Ndei lai lo, baezneix lienh gij rin neix couh ndei lo.” Yienghneix dou gipmuengz dawz bae lienh. Feiz cugciemh ndaep le, haj cungj saek rin lienh baenz gienghrin lo. Nijvah aeu gienghrin le, mbin hwnj mbwn bae dienzbouj congh roh gwnz mbwn. Daj neix gwnz mbwn couh miz fwj haj saek. Nijvah naeuz lau mbwn rox caiq lak roengzdaeuj, yienghneix, gou bangcoengh Nijvah ra aeu seiq diuz faex hung, hawj seiq duz gvi hung dingjcengj de, daengj youq seiq gak gwnz dieg, daemxcengj aenmbwn. Yienghneix mbwn couh mbouj caiq lak roengzdaeuj lo.

Hoeng neix dan guhbaenz hangh yinvu ndeu, gyoengq nyaen lij youh hangz vunz.

Gou caeuq Nijvah yaek haep deuz doengh duznyaen. Nijvah naeuz:“Gou bae gaj duz lungzndaem haenx gonq, yienghneix duznyaen wnq couh deng hwk gag buet dauq ndaw ndoeng lo.” Nijvah gwih max hwnjdin bae gaj duz lungzndaem haenx, duznyaen wnq raen le couh yiep dwk buet dauq ndaw ndoeng lo.

Doeklaeng dou dawz go’ngox coemh baenz daeuh, dwk roengz ndaw raemx, yienghneix dou couh fong mbwn ndei caez.

Bang Nijvah fong mbwn, caen dwg hawj gou sim’angq lai lo! Doeklaeng gou caeuq Nijvah doek- naiq lemlem doxbiek lo.

（lauxsae sonyinx: Liengz Haij- yangz/指导老师：梁海洋）