Daihgya itdingh cungj rox canghsijsei Dangzdai Du Muz hot sei《Youz Bya》, ndawde miz song gawq riuzcienz ciuh doq ciuh:“Haemh daengx ci vih ngonz ndoeng raeu, mbawraeu hoengz gvaq va ndwenngeih.” Song gawq sei neix caenlili myauzsij gij gingjsaek seizcou roengzmwi gvaq le mbawfaex bienq hoengz. Hoeng, daihgya rox mbouj rox vih gijmaz miz mbangj mbawfaex rox bienq hoengz lwi?

Laxlawz, doengh go saekheu gij mbaw de hamzmiz lai cungj ieng saek, miz ieng saekloeg、ieng saek- henj、ieng lauxbaeg hoengz、ieng doih lauxbaeg hoengz、ieng va- heu daengj. Seizcin caeuq seizhah, haujlai doenghgo caemh youq seiz fatmaj, seizneix ndaw mbawfaex ieng saekloeg gig lai, ndigah mbaw de cungj dwg saekheuloeg. Daengz seizcou, mbwn liengz lo, ndit hix noix lo. Seizneix, mbawfaex mbouj caiq aeuyungh ieng saekloeg, leuxle gij ieng saekloeg bienq noix, ieng saekhenj、ieng lauxbaeg hoengz menhmenh yienh okdaeuj, mbaw de couh bienqbaenz saekhenj. Daengz neix, cungj mbaw gofaex mbaw- hoengz ndawde majok gij doxgaiq heuhguh ieng vaheu ndeu, ndigah mbaw de bienqbaenz saekhoengz gyaeundei okdaeuj.

Seizcou liengzyauyau gaenq daengz lo, gyoengqraeuz caemh- caez bae gyang ndoeng gvangq ngonz gij mbawfaex gyaeundei haenx ba!

(Cwnz Yenlaiz/raiz

Veiz Yen’gyangz/hoiz)