Byawz gangj yah gou oenj,

Oenj di guh saeh maenh.

Byawz gangj yah gou bwnh,

Bwnh di mbouj vunz haenh(haemz).

Byawz gangj yah gou huk,

Huk di dingq gvan yuk(vix).

Byawz gangj yah gou biz,

Biz di miz yiengh fuk.

Vunz gyaez mehyah maiq(maij) gyaeundei,

Youh maiq(maij) fwngz giuj bak lingzleih.

Gou gyaez mehyah maiq(maij) cungsoh,

Dingh aeu swnh sienh simdieg(aensim) ndei.

It sim gvi mingh caenh bonjfaenh,

Saeh(ganq) laux ciengx nyez mbouj yiemzheiq.

Seng singz(miz) dinjcawq(gizyaez) mbouj yungh caengz(haemz),

Vaehvaeh(menhmenh) gaij ndei miz maz vei(vi).

Bak bi gvanyah(gvanbaz) gvaq saedceij,

Lawz ndaej yienghyiengh cungj hab caez.

Doxyungz doxgyaez ciengz gyausim,

Gouz doengz louz(bauyungz) heih(lienggag) fuk saeuh(souh) raez.