Seiqcib lai bi daeuj,

Raeuz gaijgwz hailangh,

Guen minz doengzcaez angq,

Langh fwen haenh dangj cingz.

Swhsiengj ndaej gaijfang,

Gangj sizsw(saedsaeh) giuzsi(gouzdwg),

Sizcenj ndaej culiz,

Ndi miz goeb mauhgyaek.

Cidu ndaej gaijfang,

Mued singq swh singq se,

Laeb Cungguek dwzswz,

Byaij sevei cujyi.

Diegdeih ndaej gaijfang,

Langh reih naz daengz hoh,

Donq ngaiz mboeng soengq noh,

Gyo baengh dangj gyaez minz.

Sicangz ndaej gaijfang,

Mbangj vunz guh dajgai,

Buh haeux noh gihgai,

Caih mwngz diu ndei cawx.

Gienzleih ndaej gaijfang,

Baengh mwngz gaenx hai uk,

Roengzrengz naengzlig suk,

Gwn fungcuk vuenyungz.

Gozminz riuzdoengh ndei,

Haigvangq gij huciz,

Vunz mbanjbya haeuj ci,

Mingzcih ndaej haeuj bouh.

Gyauyuz ndaej gaijfang,

Langh coz gauj canghyienz,

Cij aeu mwngz uk cienq,

Ndi yiemz meuz hau ndaem.

Douguek ndaej gaijfang,

Langh seiqgyaiq gyauhliuz,

Gohyoz gisuz hiuj(ak),

Ciuq aeu ma guhyiengh.

Gaijgwz hailangh ndei,

Cungguek miz maqmuengh，

Youq gwnz veisingh muengh,

Ndwn doengfueng onjdwk.