Gou ciengz dingq daxmeh naeuz “caj gou ndaejhoengq le, couh daiq mwngz bae youz”, lauxsae hix naeuz “caj raeuz ndaejhoengq le, couh doxcaez guhcaemz”. Gou siengj, gij ciengj ceiq ndei wnggai couh dwg “ndaejhoengq” lo! Hoeng, baenzlawz guh cij aeu ndaej de ne?

Ngoenz singhgiz ndeu, gou caeuxcaeux couh hwnq- congz sij cozyez, sij sat le cawjdoengh bang daxmeh guh hongranz. Daxmeh naeuz: “Saehcingz ngoenzneix cungj guh sat lo, gou cungjsuenq ndaejhoengq daiq mwngz bae youzlozcangz lo!” Gou angq ndaej hemq hwnjdaeuj. Laxlawz, yienghneix couh ndaejdaengz “ndaejhoengq” !

Ngoenz ndeu youq hagdangz, gyoengq doengzhag hwnjdangz nyinhcaen dingq gangj, gaenxmaenx hoizdap vwndiz, gwnz goqdangz cozyez ndaej le duj youh duj va’nding iq; mwh roengzdangz souj gijliz, baujciz ndaw gyausiz cenghseuq. Dangz goq ceiq doeklaeng, lauxsae naeuz:“Ngoenzneix daihgya biujyienh gig ndei, seizneix raeuz ndaejhoengq daeuj guhcaemz lo!” Laxlawz, yiengh- neix hix ndaejdaengz “ndaejhoengq” !

(Cezgyangh Hangzcouh Si Linzbingz Gih Sizyen Siujyoz ngeih nienzgaep Benh Ginjcwngz)