Moix boux vunz mboujdan yaek miz loqsiengj, engq yaek miz cungj hengz- doengh vih saedyienh loqsiengj bae roengzrengz guh. Daj ciuhlaux daengz ngoenzneix, loqsiengj caeuq roengzrengz guh cungj dwg doxbang doxcoi: Vunz danghnaeuz mbouj miz loqsiengj, roengz- rengz guh couh lumj duzroeg mbouj miz fwed nei, ciengxlwenx mbin mbouj hwnj gwnzmbwn bae; hoeng mbouj roengzrengz guh, loqsiengj couh lumj mok nei mok- mumu, yaepda couh sanq bae, ciengxlwenx mbouj ndaej saedyienh.

Loqsiengj gou dwg dang boux lauxsae ndeu, sonsaw ganqvunz, vih guekcoj gensez ganq boux mizcaiz maenh’ak ok rengz.

Guh boux hagseng ndeu, ndeindei doegsaw mbouj dwg coenz vah hoengq ndeu, dwg wnggai bienqbaenz saedsaeh hengzdoengh raeuz. Moix ngoenz ciensim dingq moix dangz goq; gwnz goqdangz cikgig hoizdap vwndiz, nyinhcaen guh bitgeiq; nyinhcaen sij cozyez, anqseiz gyau, loek le gibseiz gaij. Cawzliux hagsib, gou itdingh hableix anbaiz seizgan gou, moix ngoenz itcig guh yindung: Diuqcag、buet、dwkgiuz daengj, gaenx lienh ndangdaej. Gou naemj, vih saedyienh loqsiengj wnggai dajyiemz iugouz swhgeij, mboujdan yaek ndeindei hagsib vwnzva cihsiz, engq miz aen ndangdaej maenghcangq ndeu.

Gou dang boux banhgan ndeu, mboujdan doiq swhgeij yiemz, daiqdaeuz guh ndei, seiz mbouj hagsib lij yaek lailai vih ndaw ban guh gungyen. Moix baez miz hozdung gou cungj gaenx bauqmingz camgya, vih ndaw ban cengnaj.

Ndaw gwndaenj, guh boux vunz ndaw ranz ndeu, hix vih ndaw ranz guh saeh. Moix ngoenz, gou cungj bang bohmeh guh di saeh gou guh ndaej haenx. Mwh miz hoengq, gou couh baet ranz caeuq sousib ndaw ranz. Ciengzseiz bang daxmeh vut nyapnyaj、geiq doxgaiq caeuq aeu doxgaiq daengj.

Loqsiengj itcig dazyinx gou byaij baenaj, muengh daengzcog gou ndaej dang boux lauxsae habgek seizdaih moq miz dungxcaiz、miz cwzyin. Muengh doenggvaq gou mboujduenh roengzrengz, ndaej hawj gou caeux di saedyienh aen loqsiengj neix, vih guekcoj fazcanj ganq ok gak cungj gak yiengh vunzcaiz, vih guekcoj gensez dem cien gya vax.

(Suhcouh Si Vwnzcwng Siujyoz Yenz Cilungz)