Eu fwen coh baezlaeng,

Aen beizyinbanh hai,

Daengz ngoenz sat liux gvai(youx),

Vunzlai bouxboux angq.

Bumwnz daeuj guh daeuz,

Lwghag daeuj cix angq,

Moix cou hwnj song dangz,

Wngdang itheij hag.

Docih vwnzva’gvanj,

Ganbu mbouj lau hoj,

Son fwen lwgminz rox,

Sinhoj guh beizyin.

Hagsib diuzgen ndei,

Binjvei cungj lai sang,

Naengh daengqnaeng hwnjdangz,

Ndaw ranz cang gunghdiuz.

Moix cou hag aen diuh,

Ciuq lauxsae anbaiz,

Lwghag caemh rox vaiq,

Caiq naeuz geiq ndaej maenh.

Beizyin mbouj soufeiq,

Meiz(miz) seizgan couh ndaej,

Aen singgeiz song baez,

Ndaej camgya couh baenz.

Guh goeng’ik beizyin,

Cingqhangq ndei dahraix,

Miz vunz rox fwen lai,

Daih swnj daih roengzbae.

Hag fwen yungh vahdoj,

Yaek aeu rox cij ndaej,

Langh beizyin saek baez,

Bae bauqmingz hagsib.