Miz song boux lauxdoengz, boux beij boux ged.

Miz ngoenz ndeu, song boux doxcaez bae baihrog guh hong, boux ndeu gwed gaiq benj ndeu, boux ndeu gwed aen mbaeklae faex ndeu. Song boux biengz byaij biengz dajdoj, byaij dwk byaij dwk, baihnaj miz diuzrij iq vang dwk bae mbouj ndaej lo. Doengz dawz benj neix aeu gaiqbenj vang coq gwnz rij iq byaij gvaqbae le couh sou gaiqbenj hwnjdaeuj, couh daekeiq byaij bae gonq mbouj caj lauxdoengz. Boux doengz dawz mbaeklae vang gwnz rij iq, hix menhmenh yamq gvaq rij bae, riengz byaij bae naj. Yaek daengz giz dieg guhhong lo, yawjraen lauxdoengz dawz benj haenx ngeizngwd soengz dwk, aenvih aeu bin hwnj aen gyaek youh lingq youh sang ndeu, cij daengz gizdieg guhhong, lauxdoengz dawz benj mbouj miz banhfap hwnjbae. Baezneix “gou yawj mwngz baenzlawz hwnjbae lo”? lauxdoengz dawz mbaeklae faex baez daengj aen mbaeklae hwnjdaeuj, gig vaiq bin hwnjbae, baez daengz gwnz couh rag aen mbaeklae faex hwnj gwnz gyaek bae, lauxdoengz dawz benj gig hozndat.

Guh doengz guh youx, boux bang boux cij baenz doengz ndei youx ndei.