7 nyied 23 hauh（liggaeuq ndwenloeg coloeg）, Lungzswng Gak Cuz Swciyen Lungzciz Cin Dacai Cunh gwn cietdakbuh “loeg nyied loeg”. Ngoenz- haenx, vunzmbanj gak ranz dak gak cungj gak yiengh buhvaq Hungzyauz youq baihnaj ranz bonjfaenh, lij youq gvangjcangz langhbaij dinfwngz guh buhvaq Hungzyauz caeuq baenz bak boux sauj Yauzcuz youq henz dah roi byoemraez, banhaemh youq gwnz nazmbaeklae diemj bogfeiz daengj yienghsaeh biujyienj, yinx ndaej fanh boux doxhwnj bouxhek daeuj yawjngonz. Ndaw doz dwg beix- nuengx Yauzcuz cingq dak buhvaq.

(Dangz Gvangjdungh ingj)