Bonj bauq siusik（gicej Veiz Yingjcinh）7 nyied 22 hauh, 20 lai boux hekgviq daj gak hangz gak gaiq daeuj haenx doxcomz Nanzningz Gozci Veicanj Cunghsinh, caezcaemh guh- cingq fatbouh 《Denhlangz Gez》 IP cauhdaeuz Gvangjsih. Gicej daj aen- hoih cam rox, dauqsaw menhveh 《Denhlangz Gez》 cauhguh daezcaiz caeuq beigingj dwg Vajsi Fuhyinz hoenx Yizbwnj, youz Gvangjsih Gujciz Susw Yisuz Cangcoz Cunghsinh daj- cauh, dajveh bicog okseiq, benq- doenghveh caemh mingz hix cingq caepcawq. Ciuq cam rox, neix dwg bouh nduj dauqsaw menhveh cauh- daeuz lwnhgangj gojgaeq Vajsi Fuh- yinz hoenx Yizbwnj.

Gvangjsih Gujciz Susw Yisuz Cangcoz Cunghsinh youz Gvangjsih Vansieng Vwnzva Gohgi Youjhan Gunghswh、Gvangjsih Nanzfungh Susw Gohgi Youjhan Gunghswh lienzhab cauhlaeb, muzdiz haenqrengz cauhguh caeuq cienzboq dozsiengq yingjsi gij neiyungz vwnzva ciuhgeq maenhndei sawgeq Cungguek miz haenx. Gyoengqvunz aen doih cauh- guh miz boux vwnzyoz cauhguh、yisuz sezgi、 susw gisuz caeuq cauh’eiq hangzyez daengj daj mbouj doengz gizdieg daeuj haenx, doenggvaq cauhguh yingjsieng neiyungz sawgeq miz haenx, hawj gij neiyungz ndaw sawgeq “lix” hwnjdaeuj; doenggvaq dajcauh baenzdauq saw menhveh, doidoengh cienzboq gij neiyungz vwnzva ciuhgeq maenhndei Cunghvaz; doenggvaq hwnqguh susw yisuz swhyenz, vih AI yinhsuenq guh doz cwkrom gihcuj swhyenz lai.

Ciuq cam rox, coglaeng 5 bi, aen cunghsinh neix yaek saedhengz “sam aen gunghcwngz hung”——gungh- cwngz cauhguh “aen cang yingj- sieng cienzdaz si’gyoz siujsoq minz- cuz vwnzva”、gunghcwngz dajcauh “dauqsaw doenghmenh cauhdaeuz vwnzva ciuhgeq maenhndei Cungh- vaz”、 gunghcwngz hwnqguh “aen cang soqgawq AI soqcih yisuz sawgeq”. Dangguh aen hanghmoeg gunghcwngz dajcauh “dauqsaw doenghmenh cauh- daeuz vwnzva ciuhgeq maenhndei Cunghvaz” ndawde aen ndeu, 《Denh- langz Roek Bouh》dwg gij IP（vwnzcang cozbinj） cauhdaeuz daihhingz daez- caiz bonjdieg Gvangjsih, gujsuenq gungh doiok 30 cek sawdoz menhveh caeuq 30 ciz doenghveh, baugvat 《Denhlangz Gez》《Cax Denhlangz》《Gienz Denhlangz》《Caenq Denh- langz》《Ging Denhlangz》《Bya Denh- langz》 daengj.

Dangguh bouxfucwz caeuqfaenh vwnzyoz cauhguh 《Denhlangz Gez》， canghraiz mizmingz Gvangjsih Vangz Buyih nyinhnaeuz, Siz Ginbingz cungjsuhgi youq gwnz Aenhoih Byaujcangh Minzcuz Doxgiet Cinbu Daengx Guek gangj daengz gij saeh lizsij Vajsi Fuhyinz hoenx Yizbwnj, haengjdingh gij goengrengz mad mbouj baenz de doiq guekgya、minzcuz guh’ok haenx, Gvangjsih wnggai guh’ok cingzcik hoizwngq. “Gangj ndei gij gojgaeq Gvangjsih, dwg gij bonjfaenh gou guh boux canghraiz Gvangjsih ndeu.” Vangz Buyih naeuz.