Sinhvazse Baekging 7 nyied 21 hauh dienh Cunghgung Cunghyangh cungjsuhgi、guekgya cujsiz、Cungh- yangh Ginhveij cujsiz Siz Ginbingz 7 nyied 20 hauh hoiz saenq hawj boux daibyauj yensw lauxcangh “gohyoz caeuq Cungguek”, caensim maq- muengh bouxguhhong gohgi haeuj- coengh caeuq caeuqfaenh gohbuj saehnieb.

Siz Ginbingz youq ndaw saenq naeuz, lai bi doxdaeuj, gyoengqsou gaenxmaenx caeuqfaenh gij yiengh- saeh cunz gangj “gohyoz caeuq Cung- guek”, gvangqlangh cienzboq gohyoz cihsiz、fatyiengz gohyoz cingsaenz, doidoengh cienzdoh gohyoz miz coz- yung lai.

Siz Ginbingz vixok, cienzdoh gohyoz dwg gij hong giekdaej youq- gaenj saedyienh cauhmoq hwngfat. Maqmuengh gyoengqsou laebdaeb fatyiengz gij cienzdoengj miznaj gohyoz bauq guek, daiqdoengh engq lai bouxguhhong gohyoz haeujcoengh caeuq caeuqfaenh gohbuj saehnieb, aeu gij neiyungz ndei lai caeuq gij hingzsik vunz raen lai, gikfat gij yinxdaeuz bouxcoz nyezrauh gyaez gohyoz、damqra gij caengz rox, coihawj bouxboux gohyoz suciz daezsang, vih saedyienh gohgi suijbingz sang gag- laeb gag’ak、 doicaenh yiengh yen- daiva Cungguek mboujduenh guh’ok goengrengz moq.

2002 nienz 12 nienz, ndaej daengz Couh Gvanghcau、Lu Yungj- siengz daengj yensw lauxcangh iuheuh, Cungguek Gohyoz Yen lienzhab Cunghsenhbu daengj danhvei caezcaemh guh hwnj gij yienghsaeh cunz gangj yensw lauxcangh “gohyoz caeuq Cungguek”, daengz seizneix gaenq youq daengx guek guh yiengh- saeh gohbuj 2000 lai ciengzbaez. Mboengqneix, 20 vunz boux daibyauj yensw lauxcangh caeuqfaenh yiengh- saeh cunz gangj “gohyoz caeuq Cungguek” raiz saenq hawj Siz Ginbingz cungjsuhgi, bauqlwnh gij cingzcik yienghsaeh cunz gangj haiguh doxdaeuj aeundaej haenx, iuheuh hainduj aen hengzdoengh “cien boux yensw·cien ciengz goh- buj”, gietcomz gij rengz gyoengq boux yensw lauxcangh, vih gyagiengz hwnqguh gij rengz gohbuj guekgya、gyavaiq saedyienh suijbingz sang gohgi gaglaeb gag’ak guh’ok goeng- rengz engq hung.