Dinglingling…… singlingz hwnjdangz yiengj lo, vumhvauz iq ganjvaiq naengh ndei, dawz saw okdaeuj cinjbi doeg. Lwgdouq cix lij maeuq youq laj daizsaw guhcaemz, lwgda vumhvauz baez veq, yawjraen nyeuq ceij lwgdou vut gwnz dieg haenx lo.

“Lwgdouq cungj luenh vut nyeuq ceij, lij vut daengz baih gou daeuj.” Vumhvauz iq ndawsim siengj, “Baezneix gou mbouj nyiengh mwngz lo.” Swnh lwgdouq mbouj haeujsim, de yungh rengz dik mbat ndeu, dik nyeuq ceij gvaqbae lo.

“Byawz ha, guh gijmaz lo?” Lwgdouq fwt diuq hwnjdaeuj. Laxlawz, vumhvauz iq dik nyeuq ceij deng caekhaex lwgdouq lo, lwgdouq deng doeksaet, daejvava hemq hwnjdaeuj.

Vumhvauz iq gag siengj: Dai lo, mbat neix cauxhux lo. De baenq gyaeuj doiq lwgdouq naeuz: “Byawz heuh mwngz luenh vut nyeuq ceij?!” Lwgdouq hix mboujgam fugsaw naeuz: “Yienghneix mwngz hix mbouj ndaej luenh dik ha!”

Mwhde, lauxsae byaij gvaqdaeuj doiq lwgdouq caeuq vumhvauz iq naeuz: “Lwgdouq, mwngz luenh vut nyeuq ceij dwg mbouj deng bw, caiqgangj seizneix dwg seizgan hwnjdangz, mwngz yaek nyinhcaen dingq goq.” “Vumhvauz iq, cungj guhfap mwngz hix mbouj deng, miz saeh roengzdangz le caiq caeuq lwgdouq ndeindei gangj.”

Roengzdangz le, nyeuq ceij gwnz dieg mbouj raen lo, vumhvauz iq caeuq lwgdouq fwngz gaem fwngz doxcaez byaij ok gyausiz bae.

(Huznanz Swngj Yozyangz Bingzgyangh Yen Swhyenz Sizyen Yozyau ngeih nienzgaep Lai Ginghenh)