Seizgan guhhong daengz lo, gyoengq siuj- baengzyoux nyaengq baetdieg hwnjdaeuj. Lwgdouq maeuq youq gwnz dieg nyinhcaen gip ceij soiq.

Vumhvauz iq daiznden dwg duz gik okmingz ndeu, de cimyawj cungqgyang gyang- luengq miz nyeuq ceij ndeu, ndawsim couh siengj ok aen cawjeiq ndeu. Vumhvauz iq laeglemx iet ga ok, yungh rengz baez dik, nyeuq ceij ringx daengz henz gadaiz lwgdouq bae lo. Vumhvauz iq yawj seiqhenz, roxnyinh wnggai mbouj miz vunz yawjraen de guh gijneix, couh daekeiq vauvau siengj: Yawj gou geijlai coengmingz, yienghneix gou couh mbouj yungh baetdieg lo.

Lwgdouq gig mbouj yungzheih cingleix nyapnyaj henz din sat, baez baenq gyaeuj, cix raen henz gadaiz lai ok nyeuq ceij ndeu. “Baenzlawz baenzneix geizheih youh lai ok nyeuq ceij ndeu daeuj ne?” De danq mbat heiq ndeu.

Lwgdouq yied siengj yied raen mbouj deng, yawj vumhvauz gij yiengh daekeiq de, ndawsim fwt rox lo. Lwgdouq sing hung hemq coh vumhvauz iq: “Dwg gizlawz mbin daeuj nyeuq ceij ha?” Vah ngamq gangj sat, gyoengq siuj- baengzyoux daj seiqhenz yawj coh vumhvauz iq. Vumhvauz iq gwnz naj ndatfwdfwd, haemz mbouj ndaej vat aen deihgoengq ndeu ndonj haeujbae, de siengj: “Baez wnq caiq hix mbouj gag guh coengmingz lo!”

(Cezgyangh Ningzboh Sanghaij Seiq- gyaiq Vaigozyij Yozyau ngeih nienzgaep Ciz Vei)