Hwnj sat goq meijsuz, lauxsae roeggungjcoz doiq daih- gya gangj: “Dangz goq neix raeuz guh sat soujgoeng, gwnz dieg doek miz haujlai ceij, daihgya yaek baet seuq henz diegnaengh swhgeij bw.” Laux- sae ngamq gangj sat, lwgdouq couh maeuq roengzdaeuj nyinh- caen gip ceij gwnz dieg. Vumhvauz iq sousib ndei gij soujgoeng haxbaenh guh haenx, raen diegnaengh cungqgyang de caeuq lwgdouq miz nyeuq ceij ndeu, lwgda baez cienq, swnh lwgdouq mbouj haeujsim, yungh rengz baez dik. Nyeuq ceij lumj aen binghbanghgiuz nei, ringx daengz henz din lwgdouq.

Lwgdouq gip nyapnyaj henz diegnaengh de seuqsak le, mwh cingq yaek ndwn hwnj dawz nyapnyaj bae cuengq haeuj doengj nyapnyaj bae, raen henz din youh lai nyeuq ceij ndeu. De simcingz miz di lak lo, de sing hung hemq hwnjdaeuj: “Gou ngamq gip seuq, dwg byawz youh luenh vut?” Vumhvauz saenzcingz miz di vueng, cix guh yiengh simdingh naeuz: “Nyeuq ceij neix dwg mwngz ba, haxbaenh gou sousib doxgaiq gwnz daiz couh yawjraen lo.”

“Hoeng haxbaenh gou mingzmingz sousib laj dieg- naengh seuq loya!” Lwgdouq nyinhcaen siengjsiengj le, youh naeuz: “Mbouj deng, neix gig lumj daj ndaw doengjgvih daizsaw mwngz ringx roengz- daeuj!”

“Gij gou haxbaenh gip hwnjdaeuj loya.” Vumhvauz iq euq naeuz.

“Mwngz yawj, neix couh dwg gij bitcih mwngz.” Lwgdouq gip nyeuq ceij hwnj, itmienh hai nyeuq ceij itmienh naeuz.

“Neix mbouj dwg gou, wnggai dwg bouxwnq.” Vumh- vauz iq laebdaeb euq naeuz.

Song boux de doxceng, yinx daeuj haujlai doengzhag humxyawj. Lingz iq naeuz: “Gou haxbaenh yawjraen mwngz dik nyeuq ceij gyangluengq coh mbiengj lwgdouq mbat ndeu.” “Gou hix yawjraen lo.” Yiengz iq naeuz. “Dou hix yawjraen lo!” Gyoengq roeg iq caemh sing naeuz.

Vumhvauz iq najmong dwk ngaem gyaeuj roengzdaeuj, doiq lwgdouq nyinhloek naeuz: “Gou mbouj wnggai aeu nyapnyaj swhgeij dik daengz baih mwngz bae. Lwgdouq, doiq mbouj gvaq, gou itdingh gaijcingq.” De daj ndaw fwngz lwgdouq aeu nyeuq ceij, cuengq haeuj doengj- nyapnyaj bae.

(Huznanz Cangzsah Si Sienghgyangh Sinhgih Lenz- vah Cin Cunghsinh Siujyoz ngeih nienzgaep Dai Swh- cwngz)

Yawj Doz Sij Faenzcieng

看图写文章

Siujbaengzyoux, cingj mwngz yawj mbawdoz gonq, liujgaij neiyungz moix mbaw doz. Siengjsiengj: Lwgdouq caeuq vumhvauz iq fatseng gijmaz saeh? Ciep roengzdaeuj aiq baenzlawz yiengh? Cingj mwngz daihdamj cai, ciuq cuj doz neix bien aen gojgaeq ndeu ba!