Roengzdangz lo, duz douq rwz hung maeuq youq laj daizsaw swhgeij gip ceij soiq. Vumhvauz rwz soem cingq yaek dawz bonj saw ndeu okdaeuj yawj, sawqmwh raen gyangluengq miz nyeuq ceij ndeu. De cimyawj nyeuq ceij, cehda baez baenq, swnh duz douq rwz hung mbouj haeujsim, laeglemx dik nyeuq ceij gvaq baih duz douq rwz hung bae. Duz douq rwz hung ngamq sousib nyapnyaj sat cinjbi hwnjdangz, cix raen henz daiz lij miz nyeuq ceij ndeu. Baez siengj daengz yaek hwnjdangz lo. De gip dwk daejnga’nga.

Vumhvauz rwz soem yawj gij yiengh duz douq rwz hung, miz di mbouj ndei eiqseiq lo, laeglemx dawz nyeuq ceij cuengq haeuj ndaw “dungx daizsaw” swhgeij bae, yienzhaeuh doiq duz douq rwz hung naeuz: “Nyeuq ceij neix dwg gou dik gvaqbae, doiq mbouj gvaq. Gou gaenq gip hwnjdaeuj lo, mwngz gaej daej lo, raeuz hwnjdangz gonq ba.” Douq rwz hung dingq le ngaekngaek gyaeuj.

Duz douq rwz hung yienzliengh vumhvauz rwz soem lo, song boux de ciuqgaeuq dwg baengzyoux ndei.

(Gyanghsuh Suhcouh Ginhgihhuz Yozyau it nienzgaep Cangh Noz)