Ngoenzneix banringz, yijvwnz lauxsae naeuz yaek senj boux cujcangj ngoenzgeiq ndeu, yaek fucwz soufat ngoenzgeiq.

Cij miz aen mingzngeg ndeu, gou mbouj ndaej saetbae bw. Gou laeglemx naemj. Hoeng yawjyawj seiqhenz, mbouj miz saek boux doengzhag yaengx fwngz, ndaw gyausiz dinghsubsub.

Saeklaeuq gou guh mbouj ndei baenzlawz guh? Gou ngamq siengj yaengx fwngz, ndawsim fwt siengj daengz gijneix. Mbouj lau law, cij dwg sousou ngoenzgeiq, caiq soengq daengz bangunghsiz lauxsae bae, saeh baenzneix genj- danh, gou baenzlawz guh mbouj ndei ne? Gou gag gujli swhgeij.

Caiq yaemhywx bouxwnq couh ciengj bae lo, gangj daengz daej bae cij miz aen mingzngeg ndeu ha. Hoeng danghnaeuz gou dang cujcangj le guh mbouj ndei, deng lauxsae mienx cujcangj gou bae, gou mbouj couh vutnaj luha? Ndawsim gou gig mauzdun.

Mbouj dwg soufat ngoenz- geiq ndwi ha? Gou mbouj yaemhywx lo, byotbyat yaengx fwngz hwnj.

Lauxsae yawjyawj gou, angq dwk riu lo: “Caen ndei! Couh dwg Vangz Lingzyaj lo!” Mwhde, ndawsim gou angq dangqmaz. Gou roengz gietsim, itdingh guh ndei bouxbangfwngz iq lauxsae!

(Hoznanz Dangzhoz Yenz Bizden Cin Daih’it Siujyoz Vangz Lingzyaj)