Doenghbaez miz naed nae ndeu, de dwg dah niq unqswnh ndeu.

Miz ngoenz ndeu, nae mbin daengz ndaw doenghnaz.

“Gou yaek hawj namh ndaw doenghnaz hoemq denz.” Yienghneix, nae hausag lumj dahsien nei, daj gwnzmbwn mbin roengzdaeuj, hoemq daengx doenghnaz.

Nae youh mbin daengz gwnz bya sang bae.

“Gou yaek bang bya sang longz buhrog nanwt.” De dawz baenz duj baenz duj nae saj roengz bya sang bae. Nae doek gig hung, mbouj yaep ndeu, couh hawj bya sang longz hwnj buhfaiq hausagsag.

Nae daeujdaengz suenva.

“Gou yaek bang vamoiz daenj geu vunj gyaeundei.” Nae daj gwnzmbwn mbin roengz- daeuj, lumj baenz duz baenz duz cinglingz rox diuqfoux nei, gig vaiq couh bang vamoiz daenj hwnj vunj sahau.

Daengx aen daihdeih cungj deng nae hoemq lo, benq hausagsag ndeu. Nae nyaengq sat le, dingz youq dingjranz yietnaiq, de naeuz: “Seizneix, lij miz byawz yungh gou bang de hoemq denz ne?” Yawj- daeuj, caiq hix mbouj miz byawz lo.

Seizde, raq rumz iq raeuj- rub ndeu coemj gvaqdaeuj, nae ndawsim yaeng’yaeng naeuz: “Yawjdaeuj, gou wnggai biek aen singz neix bae lo.” Gyoengq lwgnyez dingqnyi sing rumz iq ci, daj ndaw ranz cungj buet okdaeuj lo.

Gyoengqde ngeizngwd naeuz: “Yi, nae ne? Siusaet lo, mbouj rox bae gizlawz lo.”

(ngeih nienzgaep Liuz Yozhanz)